Fyrsta sagan af Hagar Stanley, sígaunastúlku sem leitar skjóls hjá gömlum frænda sínum. Frændinn, Jacob Dix, er fúllyndur veðmangari og þekktur fyrir nirfilshátt. Eini vinur hans, ef vin skyldi kalla, er slóttugur lögfræðingur að nafni Vark sem girnist auðæfi gamla mannsins. Sonur veðmangarans og erfingi auðæfanna er horfinn sporlaust og Vark tekur til bragðs svik og pretti til að fá erfðaskránni breytt.