Eva er að flytja

í stærra og betra

Pétur í 2d

mun sakna hennar

mjólkurhvít húð

himnesk augu

Þorgeir í 7f feiminn

í lyftunni

gjóandi

Eva ætlar að snúa aftur

í ellinni

með útsýni

yfir bílastæðið

þarf engin grös

við gluggann

sér óléttar konur

setjast í bíla

‍

næsta dag

barnabílstóll

þau spretta

fyrir augum

alltaf einhver

að koma

og fara

krakkaskarar á

hlaupum

Í ellinni mun hún ráfa um

og spyrja

í lyftunni

í búðinni í næsta húsi

með mjólkurpott í poka

„Hvert er allt þetta fólk

að fara?“