Þessi markmið og gátlistar eru sá grunnur sem við á Skólavefnum vinnum eftir í okkar námsefnisgerð í íslensku. Hann byggist á Aðalnámskrá grunnskóla auk þess sem stuðst hefur verið við bekkjarnámskrár ýmissa skóla.
Aðalnámskráin er góður stýrigrunnur og tekur fyrir heildræn markmið um það hvað nemendur eiga að læra og hafa á valdi sínu að loknu námi, en þar er ekki farið ítarlega í einstaka efnisþætti. Er sú vinna eftirlátin skólunum sjálfum og gefur hún þeim um leið kost á ákveðnu frelsi í yfirferð; þeir geta þá til dæmis lagað kennslu sína að ákveðnu námsefni og eigin áherslum.
Skólavefurinn hefur nú útbúið heildstætt námsefni í íslensku fyrir öll stig grunnskólans. Til þess að auðvelda kennurum yfirsýn um námsefni okkar í íslensku töldum við æskilegt að setja fram þessi markmið og gátlista yfir þau atriði sem við teljum mikilvæg í hverjum árgangi. Til einföldunar og stuðnings bendum við auk þess gjarnan á aðferðir og leiðir til þjálfunar.
Það má því komast svo að orði að það sem hér er sett fram jafngildi skólanámskrá á grunni Aðalnámskrár. Námsefnið velja síðan kennararnir sjálfir en okkur á Skólavefnum er það ánægjuefni að geta bent á að æ fleiri skólar hafa á síðustu misserum talið sér hag í að nýta sér það heildstæða námsefni í íslensku sem við höfum á boðstólum.
Það skal tekið fram að þessi markmið ná einungis yfir þau atriði sem við teljum okkur geta prófað úr gagnvirkt með beinni svörun.
Hér getið þið nálgast stöðupróf eða nokkurs konar gátlista í íslensku fyrir 4. bekk þar sem leitast er við að mæla námsstöðu barna í ákveðnum atriðum miðað við aldur.
Prófin eru unnin út frá Aðalnámskrá grunnskóla, auk þess sem þau byggjast á prófum sem tekin eru í völdum skólum á þessu aldursstigi. Við viljum vekja athygli á því að prófið miðast við að nemendur hafi lokið eða séu að ljúka námi í 4. bekk.
Athugið að prófið gefur ákveðnar vísbendingar um stöðu nemandans og verður að skoðast út frá því. Hér er fyrst og fremst verið að kanna hvar nemandinn getur bætt sig.
Rétt er að benda á að suma þætti á gátlistanum er erfitt að kanna á gagnvirkan hátt.
GANGI YKKUR VEL!
· hafa dýpkað þekkingu sína á nafnorðum, m.a. beygingu erfiðari orða
1. Eintala / Fleirtala
2. Ákveðinn greinir
3. Kyn
4. Fallbeyging
5. Stofn
6. Samsett orð (síðasti liðurinn ákvarðar kynið!); búa til ný samsett orð úr þremur eða fleiri orðum (sbr. glerskurðarkona)
· hafa bætt við þekkingu sína á sagnorðum
1. Nútíð / Þátíð
2. Nafnháttur
3. Finna sagnir í einföldum setningum
4. Beygja sagnir eftir persónum
· hafa dýpkað skilning sinn á lýsingarorðum
1. Kyn þeirra og fall
2. Stigbreyta æ erfiðari lýsingarorð
3. Skynja breyttan rithátt út frá kyni og stigbreytingu
· geta sambeygt lýsingarorð og nafnorð
· þekkja algengustu skammstafanir (sjá skammstafanalista 2)
· þekkja raðtölur og tölur upp í hundruð þúsunda
· þekkja helstu greinarmerki og geta beitt þeim; mikilvægt að kunna að setja punkt!
· þekkja grunnreglur í stafsetningu (um stóran staf – n og nn – ng og nk – algeng orð með y/ý)
3. hluti – Hlustun, ritun og rýni
Við lok 4. bekkjar á nemandi að...
· geta svarað einföldum spurningum (skriflega eða í krossaprófi) eftir hlustun (allt að 400 orða texti lesinn upp)
· geta dregið skriflega saman inntak efnis eftir hlustun
· geta raðað myndum í réttri tímaröð eftir hlustun
· geta fundið og skrifað valin orð í texta með eyðum
· geta skrifað eftir upplestri, t.d. léttar stafsetningaræfingar
Ath. að það vantar spurningu 38.