Kaflar
1968: Stríð í Víetnam
Í október 1957 tókst Sovétmönnum að senda fyrsta geimfarið eða gervitunglið, Spútnik fyrsta, út í geim. Fór það hringinn í kringum hnöttinn á 98 mínútum.
Fjórum árum síðar sendu Sovétríkin svo fyrsta mannaða farið út í geim. Kallaðist það Vostok 1 og í því var geimfarinn Yuri Gagarín. Flaug hann einn hring í kringum jörðina á 108 mínútum og lenti svo heilu og höldnu.
Í kjölfarið lofaði Kennedy Bandaríkjaforseti þegnum sínum því, að Bandaríkjamenn yrðu fyrstir til að koma mönnum til tunglsins. Sovétmenn héldu áfram að senda för út í geim og árið 1963 var komið að fyrstu konunni en það var hin sovéska Valentina Tereshkova.
Árið 1965 tókst Bandaríkjamönnum að senda far út í geim þar sem geimfari fór út úr farinu í 21 mínútu.
Það var svo 20. júlí árið 1969 að Bandaríkjamönnum tókst að lenda á tunglinu, og fyrstur til að stíga á yfirborð tunglsins var geimfarinn Neil Armstrong.