Eftir að Frakkar voru flæmdir burt frá Indókína var Víetnam skipt í Suðu- og Norður Víetnam. Í Norður-Víetnam réðu kommúnistar undir Ho Chi Minh en í suðri réði ríkjum einræðisherrann Ngo Dinh Diem. Var Suður-Víetnam stutt af Bandaríkjamönnum sem vildu hefta útbreiðslu kommúnisma á svæðinu. Kínverjar studdu Norður-Víetnama. Má segja að ríkt hafi borgarastyrjöld í Suður-Víetnam en margir vildu fella stjórnina þar og sameinast norðrinu.

Lengi vel tóku Bandaríkjamenn ekki beinan þátt í átökunum en árið 1965 sendu þeir hermenn til landsins til að berjast með Suður-Víetnömum gegn Norður-Víetnömum.

Magnaðist þetta upp í heiftúðugt stríð og á skömmum tíma höfðu Bandaríkjamenn sent 200.000 hermenn til að berjast þar en þrátt fyrir mun fullkomnari hergögn tókst ekki að vinna sigur á Norður-Víetnömum.  Náðu bardagar hámarki árið 1968. Urðu mikil mótmæli á Vesturlöndum við þessari innrás Bandaríkjamanna.

Lauk stríðinu ekki fyrr en árið 1975 með fullnaðarsigri Norður-Víetnama, og Víetnam varð eitt ríki.