Kaflar
1974: Richard Nixon segir af sér sem forseti Bandaríkjanna
Árið 1972 bárust fréttir af innbroti í kosningaskrifstofur Demókrataflokksins í Bandaríkjunum í skrifstofuhúsnæði sem kallaðist Watergate. Innbrotið mistókst og lögreglunni tókst að handsama þá fimm sem komu við sögu. Var ætlun þeirra að koma fyrir hljóðnemum í skrifstofunum, en þá var stutt í næstu forsetakosningar.
Fljótlega bárust böndin að repúblikönum en einn þeirra sem náðust starfaði einmitt fyrir kosningaskrifstofu Nixons. Illa gekk þó að sanna aðild Nixons sjálfs að málinu.
Þá komu til kastanna blaðamennirnir Carl Bernstein og Bob Woodward hjá Washington Post. Sögðust þeir hafa innanbúðar upplýsingar um að Nixon hefði vitað af innbrotinu.
Nixon hafnaði ásökunum alfarið og sigraði í kosningunum 1972 með yfirburðum, en þrátt fyrir það var ákveðið að rannsaka málið enn frekar. Á endanum tókst að sanna aðild hans að málinu og hann sagði af sér 8. ágúst 1974, fyrsti og eini forseti Bandaríkjanna sem hefur þurft að gera það.