Kaflar
1985: Hungursneyð í Eþíópíu / Live Aid
Árið 1974 var ástandið í landinu slæmt og mikil óánægja með stjórnina. Þá var gerð uppreisn og ný stjórn tók við. Eftir það hófst stríð við uppreisnarheri í Erítreu sem var hérað nyrst í Eþíópíu en öðlaðist sjálfstæði 1993. Höfðu þessi átök mikil áhrif á efnahagsástandið í Eþíópíu sem var ekki beysið fyrir.
Árin 1983-1985 urðu miklir þurrkar í landinu sem ollu hungursneyð. Leituðu Eþíópar til vestrænna ríkja um hjálp en var synjað í fyrstu þar sem óttast var að hjálpin yrði notuð í stríðsrekstur. Þegar menn áttuðu sig á alvarleika hungursneyðarinnar var þó reynt að bæta úr. Er talið að um ein milljón manna hafa dáið úr hungri í Eþíópíu á árunum 1983-1985.
Þrettánda júlí 1985 hélt tónlistarfólk víðsvegar að úr heiminum styrktartónleika, svokallaða Live Aid tónleika þar sem ágóðinn átti að renna til hjálparstarfs í Eþíópíu. Voru það fyrstu tónleikarnir af því tagi.