Falklandseyjar eru lítill eyjaklasi skammt suður af strönd Argentínu. Þar hafa verið á ýmsum tímum franskar, breskar, spænskar og argentínskar nýlendur. Bretland staðfesti yfirráð sín yfir eyjunum 1833 og eru þær undir stjórn Breta í dag en íbúarnir hafa heimastjórn í eigin málum.

Stjórnvöld í Argentínu höfðu lengi álitið að eyjarnar ættu að tilheyra þeim þar sem þær liggja svo nærri Argentínu. Þegar Leopoldi Galtieri hershöfðingi steypti fyrri herforingjastjórn í Argentínu af stóli í desember 1981 ákvað hann að reyna að sameina þjóðina með því að endurheimta Falklandseyjar.

Í mars 1982 réðust Argentínumenn á eyjarnar og hernámu þær. Bretar sendu her á svæðið og urðu mikil átök sem lauk með uppgjöf Argentínu 14. júní. Það er eftirtektarvert að hvorug þjóðin gaf út formlega stríðsyfirlýsingu. Argentínumenn litu á aðgerðir sínar sem endurtöku eigin lands og Bretar litu á þetta sem innrás á breskt yfirráðasvæði.

Styrjöldin hafði víðtæk áhrif í löndunum tveimur. Í Argentínu jók það enn á vandræði herforingjastjórnarinnar og flýtti fyrir falli hennar, og í Bretlandi átti það þátt í að styrkja stjórn Margrétar Thatcher. Stríðið er eina dæmið um nútímasjóhernað eftir síðari heimsstyrjöldina.