1987: Ýmislegt

Á þessu ári lést hinn skoski höfundur spennusagna Alistair MacLean. Nutu sögur hans gríðarlegra vinsælda á Íslandi í um þrjátíu ár. Frá 1960 kom ný bók út eftir hann fyrir hver jól í þrjátíu ár og voru ávallt í hópi söluhæstu bóka. Af kunnum bókum eftir MacLean má nefna Byssurnar í Navarone (1960), Ódysseifur – Skip hans hátignar (1960), Neyðarkall frá Norðurskauti (1964) og Arnarborgin (1968).

Þá var fyrsta konan vígð inn í Frægðarhöll Rokksins á þessu ári. Það var söngkonan, lagahöfundurinn og píanistinn Aretha Franklin (1942-2018). Hafa plötur hennar selst í yfir 75 milljónum eintaka og er hún þar með komin í hóp með söluhæsta tónlistarfólki allra tíma. Af kunnum lögum sem hún söng má nefna: Respect, Think, Say a Little Prayer for Me og (You Make Me Feel Like) A Natural Woman.

Þá var söngkonan og lagahöfundurinn Carole King (1940- ) vígð inn frægðarhöll lagahöfunda á þessu ári. Hún hefur samið að minnsta kosti 118 lög sem náð hafa hátt á vinsældalistum. Af kunnum lögum má nefna: You´ve Got a Friend, The Loco-Motion, Beautiful, It Might As Well Rain Until September, Where You Lead I Will Follow, Tapestry, Take Good Care of My Baby og Up On The Roof.

Gagnvirk æfing (fjölvalsspurningar)

Ert þú tilbúin(n)?

Spurningar

1. Hvers konar sögur skrifaði Alistair MacLean?

2. Hvað getur þú sagt um vinsældir Alistairs MacLean á Íslandi?

3. Eftir hvern er sagan Byssurnar í Navarone?

4. Hver var fyrsta konan sem vígð var inn í Frægðarhöll rokksins?

5. Hvað hafa plötur eftir Arethu Franklin selst í mörgum eintökum svo vitað sé?

6. Inn í hvaða frægðarhöll var Carole King vígð árið 1986?

7. Hvað hafa mörg lög eftir Carole King náð hátt á vinsældalistum?