Kaflar
1948: Ísrael verður sjálfstætt ríki
Stalín nýtti síðari heimsstyrjöldina til að ná völdum yfir hluta Póllands. Braut hann þar á bak aftur alla mótstöðu. Þegar styrjöldinni lauk var auðséð að Sovétmenn ætluðu sér að ná víðtækum áhrifum út fyrir sín landamæri.
Á Jalta ráðstefnunni 1945 hittust þeir Roosevelt, Churchill og Stalín til að ræða framtíðina og hvernig heimurinn skyldi líta út að styrjöldinni lokinni. Þar var dregin lína milli vestrænna lýðræðisríkja annars vegar og kommúnistaríkja í Austur-Evrópu hins vegar.
Þegar upp var staðið tilheyrðu Austur-Þýskaland, Pólland, Tékkóslóvakía, Ungverjaland, Rúmenía, Júgóslavía og Búlgaría austurblokkinni og þar var kommúnismi ráðandi. Var þessi skipting mönnum orðin ljós árið 1948. Kallaði Churchill þessa línu sem skipti Evrópu í austur- og vesturhluta „járntjaldið“.
Þarna myndaðist brátt spenna milli austurs og vesturs og næstu áratugi lá stundum við að upp úr syði. Færðist þessi spenna yfir á átök í löndum utan Evrópu án þess þó að kæmi til beinna vopnaviðskipta milli þessara stórvelda. Þetta var hið svokallaða „kalda stríð“.