Kaflar
1937: Hindenburg loftfarið ferst
Hugmyndin um að nota loftbelgi til að flytja fólk milli staða var þekkt strax árið 1670 þegar presturinn Francesco Lana de Terzi birti teikningu sína af slíku farartæki. Gældu menn lengi við þessa hugmynd og á heimssýningunni í London árið 1851 kynnti Ástralinn William Bland hugmynd sína að vélknúnum loftbelg sem gæti flogið milli landa.
Næstu árin þróaðist hugmyndin og í upphafi tuttugustu aldar komu fram alls kyns útfærslur sem virkuðu ágætlega.
Í kringum 1930 voru Zeppelin loftbelgirnir fremstir í heiminum og buðu upp á áætlunarferðir með farþega frá Frankfurt í Þýskalandi til Brasilíu. Þrátt fyrir að fljúga ekki eins hratt og flugvélar þá buðu loftbelgir upp á meiri þægindi en þær.
Árið 1936 hóf fyrirtækið að fljúga með farþega til Bandaríkjanna og smíðuðu af því tilefni stærsta loftbelginn sem þeir nefndu Hindenburg. Fyrsta árið gekk vel en 6. maí árið 1937 við lendingu í New Jersey braust út eldur og loftskipið hrapaði til jarðar. Af þeim 97 sem voru um borð létust 13 farþegar og 22 úr áhöfninni.
Varð þetta til þess að trú fólks á loftbelgjum til farþegaflutninga þvarr og þeir lögðust nánast af.