Kaflar
1966: Ýmislegt
Indira Gandhi varð forsætisráðherra Indlands 19. janúar árið 1966. Var hún önnur konan til að verða forsætisráðherra í sínu landi í veröldinni. Sú fyrsta var Sirimavo Bandaranaike í Ceylon sem nú er Sri Lanka; hún var kjörin í júlí árið 1960.
Tuttugasta og annan mars varð jarðskjálfti í borginni Xingtai í Kína að stærðinni 6,8 á Richter-kvarðanum. Átta þúsund manns létust af völdum hans og þrjátíu og átta þúsundir slösuðust.
Kvikmyndin The Sound of Music hlaut óskarinn fyrir að vera besta kvikmyndin þetta árið.
Englendingar urðu heimsmeistarar í knattspyrnu með sigri á Þjóðverjum í úrslitaleiknum með fjórum mörkum gegn tveimur.
Í mars hneykslaði Bítillinn John Lennon heiminn með því að segja í viðtali að Bítlarnir væru vinsælli en Jesús. Í kjölfarið voru víða haldnar brennur þar sem hljómplötur og annað tengt Bítlunum var brennt. Seinna baðst Lennon afsökunar á þessum ummælum.