Kaflar
1945: Kjarnorkusprengjur á Hiroshima og Nagasaki
Eftir að Þjóðverjar og Ítalir höfðu gefist upp lögðu bandamenn allt kapp á að vinna sigur á Japönum.
Í mars 1945 hófu þeir öflugar loftárásir á borgir Í Japan en þrátt fyrir mikið mannfall neituðu Japanir að gefast upp.
Í júlí og höfðu Bandaríkjamenn gert lokatilraunir með kjarnorkusprengju en slíkar sprengjur voru mun hættulegri en venjulegar sprengjur og höfðu aldrei verið notaðar í stríði.
Það var svo 6. ágúst 1945 að Bandaríkjamenn sendu B-29 sprengjuflugvél með slíka sprengju til varpa henni á borgina Hiroshima. Sprengjan olli gríðarlegu tjóni og lagði borgina algjörlega í rúst. Aldrei fyrr hafði sprengja valdið annarri eins eyðileggingu.
Þegar Japanir brugðust ekki við sprengjunni með uppgjöf var ákveðið að varpa annarri kjarnorkusprengju, og lenti hún á borginni Nagasaki. Olli hún einnig gríðarlegri eyðileggingu og mannfalli. Hefur verið giskað á að um eða yfir 200.000 manns hafi látist af völdum þessara sprengja.
Það var svo 14. ágúst að Japanir gáfust endanlega upp og seinni heimstyrjöldinni var lokið.