Kaflar
1961: Barist fyrir auknum réttindum frumbyggja í Ástralíu
Allt frá því að Evrópubúar lögðu leið sína til Ástralíu hafði frumbyggjum verið mismunað og þeir verið nánast réttlausir. Þegar síðari heimsstyrjöldin braust út 1939 voru þeir skikkaðir til herþjónustu þrátt fyrir að vera ekki álitnir ríkisborgarar. Vonuðust þeir til að þátttaka þeirra myndi breyta því. Árið 1949 var frumbyggjum sem höfðu verið hermenn veittur réttur til að kjósa.
Árið 1951 ákvað ríkisstjórn Ásratralíu að taka fjölda barna frá frumbyggjum og láta þau alast upp á heimilum hvítra. Því var haldið fram að þannig gætu frumbyggjar samlagast þeim hvítu. Hefur þessi hópur barna verið kallaður stolna kynslóðin.
Árið 1961 hélt Charles Perkins, sem þá var annar tveggja nemanda af frumbyggjaættum í háskólanum í Sydney, ræðu þar sem hann krafðist jafnréttis fyrir frumbyggja. Er sú ræða talin hafa markað tímamót í baráttu þeirra.
Það var svo árið 1967 að þjóðaratkvæðagreiðsla var haldin um réttindi frumbyggja og kusu 90% með því að innfæddir fengju full borgararéttindi.
Á árunum 1997-1999 báðu öll sjálfstjórnarhéruð í Ástralíu opinberlega afsökunar á stolnu kynslóðinni.