Kaflar
1962: Bítlarnir taka upp lagið Love Me Do
Með aukinni almennri útvarpshlustun og fjölgun hljómtækja fór fólk að umgangast tónlist á nýjan hátt, og tónlist fór að verða mun sterkara afl í lífi þess en fyrr.
Þann 5. október árið 1962 kom út lítil 45 snúninga hljómplata með tveimur lögum með hljómsveit sem kallaði sig Bítlana (The Beatles). Var hljómsveitin sem stofnuð var árið 1960 nánast óþekkt utan Manchester og Liverpool þá. Þetta voru lögin Love Me Do og P.S. I Love You. Stór hljómplata með fjórtán lögum kom svo út 22. mars 1963 og nefndist Please Please Me.
Strax frá fyrsta degi nutu Bítlarnir gríðarlegra vinsælda og sala á plötum þeirra sló öll met. Bítlarnir störfuðu saman allt til ársins 1970 og á þeim tíma gáfu þeir út tólf hljómplötur hverja annarri betri.
Söluhæsta plata Bítlanna var Sergeant Pepper´s Lonely Hearts Club Band sem kom út árið 1967 og seldist í yfir 32 milljónum eintaka. Eitt vinsælasta lag plötunnar var lagið Hey Jude sem trónaði á toppi vinsældalista í samfleytt 19 vikur.
Þá kom fyrsta plata Bob Dylans út árið 1962 og má því segja að árið 1962 hafi haft mikil áhrif í tónlistarsögunni.