Fallorð - Skýringar á vef

Það hefur myndast hefð fyrir því að grunnskipta orðum í þrjá flokka og er þá tekið mið af málfræðilegum eiginleikum. 

 

Þessir flokkar eru:

fallorð sagnorð smáorð (sem eru óbeygjanleg orð)

 

Ef við skoðum helstu einkenni hvers flokks fyrir sig, sjáum við að

• fallorð fallbeygjast en hin ekki.
• sagnorð breytast eftir tíðum eða tíðbeygjast.
• smáorð gera hvorugt, þ.e. þau fallbeygjast ekki og þau breytast ekki eftir tíðum.

 

Fallorðin greinast nánar niður í fimm orðflokka og smáorðin einnig.  Hér sjáið þið það.

 

Fallorð	Sagnorð	Smáorð
Nafnorð Lýsingarorð Fornöfn Töluorð Greinir	Sagnir	Atviksorð Forsetningar Nafnháttarmerki Samtengingar Upphrópanir

 

 

Verkefni:

1. Hverjir eru þrír meginflokkar orða?
2. Hvert er helsta einkenni fallorða?
3. Hvert er helsta einkenni sagnorða?
4. Hvert er helsta einkenni smáorða?