Fjöldinn allur af æfingum um nafnorð, lýsingarorð, fallorð, sagnorð og smáorð.

Orðaþjálfi er forrit úr smiðju Skólavefsins þar sem nemendur eiga að finna og smella á tiltekna tegund orða í texta. Nemandinn getur sjálfur valið hvaða atriði er þjálfað. Hann getur til dæmis æft sig í að finna öll sagnorð í textabroti, eða öll fornöfn, eða öll nafnorð í þágufalli og svo framvegis. Endurgjöf um árangur birtist samstundis. Forritið býður upp á gríðarlegan fjölda þjálfunarþátta og er í senn skemmtilegt og krefjandi.

Það er okkur sönn ánægja að bjóða upp nýtt og spennandi námsefni í íslensku eftir Guðjón Ragnar Jónasson, sem kallast Hetjuspegill og er kennslu- og verkefnahefti í málfræði. Það telur 42 blaðsíður og hentar vel fyrir miðstig grunnskólans. Heftið skiptist í nokkra kafla, en þeir heita: Tungumálið, Uppruni tungumálsins, Indóevrópska málaættin, Hugtakið texti, Greining á textamynstri, Stofnun Árna Magnússonar og Fallbeygt á netinu. Hér er boðið upp á algjörlega nýja nálgun í íslenskukennslu sem lengi hefur skort og hvetjum við alla er láta sig góða kennsluhætti varða að kynna sér þetta efni nánar. Hetjuspegillinn er að nokkru leyti byggður á lestrarbókinni Með hetjur á heilanum, sem er einnig eftir Guðjón. Hún var gefin út af bókaforlaginu Sölku og hefur notið mikilla vinsælda bæði í skólum og á almennum markaði.

Síðari hlutinn telur 14 blaðsíður fullar af áhugaverðum og skemmtilegum verkefnum.