Í þessu hefti er farið yfir helstu reglur í
stafsetningu og greinarmerkjasetningu.   

Stundum eru mikilvæg atriði endurtekin til að festa þau
sem best í minni, sbr. fyrirsagnir eins og:
Hnykkt á um n/nn.

Dæmi eru sýnd ásamt örstuttum æfingum.

Hér getið þið nálgast valdar atriðabundnar  gagnvirkar stafsetningaræfingar með nýju sniði.  Æfingarnar henta jafnt fyrir venjulegar tölvur, spjaldtölvur og ekki síst snjallsíma. Eru þær einkum hugsaðar fyrir þá sem lengra eru komnir í stafsetningu og upplagðar fyrir þá sem vilja undirbúa sig fyrir framhaldsskólann.

Framkvæmdin er einföld. Þið veljið það atriði sem þið viljið þjálfa ykkur í og þá fáið þið æfingu með 10 spurningum. Þegar þeirri æfingu er lokið getið þið fengið fleiri spurningar í sama atriði eða reynt við nýtt atriði.  Einungis ein setning birtist í einu og þið eigið svo að „pikka“ inn (skrifa) eitt orð í hverri birtingu. 

Athugið að boðið er upp á tvær útfærslur af æfingum, þ.e. þið getið valið um hvort þið viljið hlusta á  setninguna og skrifa síðan orðið sem vantar eða hvort þið viljið fá að sjá alla setninguna í nokkrar sekúndur og skrifa svo orðið sem vantar.  Gangi ykkur vel!