| skolavefurinn.is

Hin sígilda saga The Strange Case of Dr Jekyll and Mr Hyde kom fyrst út árið 1886. Lögfræðingurinn Gabriel John Utterson rannsakar dularfulla atburði er tengjast vini hans, Dr Henry Jekyll, og hinum illa Edward Hyde.

Ein þekktasta jólasaga heimsbókmenntanna er án efa A Christmas Carol eftir Charles Dickens. Hér segir frá fúllynda nískupúkanum Ebenezer Scrooge og óvæntri heimsókn sem hann fær eina jólanótt sem á eftir að breyta lífi hans svo um munar.

Breski rithöfundurinn Saki hét réttu nafni Hector Hugh Munro (1870-1916). Hann er hvað þekktastur fyrir hnyttnar sögur þar sem hann hæðist að bresku samfélagi og menningu við upphaf 20. aldarinnar.

Skáldsagan The Picture of Dorian Gray eftir Oscar Wilde birtist fyrst í tímaritinu Lippincott's Monthly Magazine árið 1890, og var svo gefin út á bók árið eftir. Hér segir frá Dorian Gray, sem metur fegurð og nautnalíf ofar öllu öðru. Hann óskar þess að fá að halda æskuljóma sínum og fegurð, en í staðinn muni málverk af honum eldast og fölna. Óskin rætist og Dorian heldur ótrauður áfram syndsamlegu líferni sínu.

Sagan The Awakening eftir Kate Chopin kom fyrst út árið 1899 og er af mörgum talin eitt af lykilverkum upphafstíma femínismans. Hér segir frá Ednu Pontellier sem reynir að samræma heldur óhefðbundin viðhorf sín til kvenleika og barneigna ríkjandi viðhorfum samfélagsins í Suðurríkjum Bandaríkjanna í kringum aldamótin 1900.