Hér bjóðum við upp á hina sígildu sögu af Tuma þumli í þýðingu Þorsteins Erlingssonar, en ritháttur á stöku stað færður til nútímans. Sagan er boðin bæði í útprentanlegu formi með fjölda verkefna og á vefsíðuformi með gagnvirkum æfingum. Sagan telur 14 kafla og tilvalið að nota sem ítarefni.
Við kynnum til sögunnar glænýtt kennsluefni eftir Sigríði Ólafsdóttur kennara við Flataskóla í Garðabæ. Nefnist það Lesum lipurt og létt og inniheldur lestraræfingar fyrir byrjendur. Eins og segir í inngangi bókarinnar byggir hún á lestraraðferð sem nefnd er orðmyndaaðferðin. Þar byrjar kennarinn á að lesa textann upphátt - Síðan les nemandinn hann upphátt þrisvar sinnum.
Hér er á ferðinni hin sígilda saga um litlu gulu hænuna sem finnur hveitifræin. Er um að ræða námsþátt á 6 blaðsíðm þar sem sagan sjálf tekur yfir 3 blaðsíður og verkefnin 3. Er efnið einkum hugsað fyrir 2. og 3. bekk, en gæti einnig hentað duglegum nemendum í 1. bekk.
Efnið hentar bæði í almennri bekkjarkennslu og í einstaklingsmiðuðu námi.
Skemmtileg saga sem börn hafa gaman af að lesa. Efnið telur samtals 6 blaðsíður þar semsagan sjálf tekur yfir 4 blaðsíður og verkefnin 4. Hentar vel fyrir 2. og 3. bekk, en gæti einnig hentað duglegum nemendum í 1. bekk. Efnið hentar bæði í almennri bekkjarkennslu og í einstaklingsmiðuðu námi. Þá geta áhugasamir foreldrar prentað efnið út og unnið með börnum sínum á kvöldin.
Egils sögu einhenda og Ásmundar berserkjabana er að finna í safninu Fornaldarsögur Norðurlanda. Hún er hér í nokkuð einfaldaðri útgáfu, ætluð til kennslu í 3.-4. bekk grunnskóla. Hverjum kafla fylgja frábær verkefni, bæði útprentanlegu útgáfunni og vefútgáfunni. Þá er hægt að hlusta á alla kaflana upplesna af vefútgáfunni. Athugið að hægt er að panta bók og vinnubók á bóksölunni, en svo er líka hægt að prenta út af vefnum.
